କାହାକୁ ମିଳିବ ଏଣ୍ଟ୍ରି ? କିଏ ନେବେ ହାର୍ଦ୍ଦିକଙ୍କ ସ୍ଥାନ ?
ଟିମ ଇଣ୍ଡିଆକୁ ଶକ୍ତ ଝଟକା । ନ୍ୟୁଜିଲାଣ୍ଡ ବିପକ୍ଷ ମ୍ଯାଚରୁ ବାଦ ପଡିଛନ୍ତି ଆହତ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ବିସିସିଆଇ ପକ୍ଷରୁ ଏନେଇ ସୂଚନା ଜାରି ହୋଇଛି ।
ବିସିସିଆଇ ପକ୍ଷରୁ ସ୍ପଷ୍ଟ କରାଯାଇଛି, ଏନସିଏରେ ଚାଲିବ ହାର୍ଦ୍ଦିକଙ୍କ ଚିକିତ୍ସା । ସେଥିପାଇଁ ପୁଣେରୁ ହାର୍ଦ୍ଦିକ ସିଧା ବେଙ୍ଗାଲୁରୁ ଗସ୍ତ କରିଛନ୍ତି । ସେଠାରେ ଡାକ୍ତରଙ୍କ ତତ୍ବାବଧାନରେ ରହି ହାର୍ଦ୍ଦିକ ପାଣ୍ଡ୍ୟା ଚିକିତ୍ସିତ ହେବେ । ବାଂଲାଦେଶ ବିପକ୍ଷ ମ୍ୟାଚ ଚାଲିଥିବା ବେଳେ ନବମ ଓଭର ବୋଲିଂ କଲାବେଳେ ସେ ଆହତ ହୋଇଥିଲେ । ହାର୍ଦ୍ଦିକଙ୍କ ବାମ ଗୋଇଠିରେ ଆଘାତ ଜୋର ଥିବା ସୂଚନା ମିଳିଛି । ଛଟୋଇ ଛଟୋଇ ଯନ୍ତ୍ରଣାରେ ହାର୍ଦ୍ଦିକ ଖେଳ ଅଧାରୁ ପଡ଼ିଆ ଛାଡିଥିଲେ ।
ହାର୍ଦ୍ଦିକଙ୍କ ସ୍ଥାନରେ କିଏ ?
…
() ରବିବାର ଦିନିକିଆ ବିଶ୍ବକପରେ ହେବ ବଡ଼ ଲଢ଼େଇ । ଶକ୍ତିଶାଳୀ ନ୍ୟୁଜିଲାଣ୍ଡକୁ ଭେଟିବ ଭାରତ । ଉଭୟ ଟିମ୍ ପଏଣ୍ଟ ଟେବୁଲର ପାଖାପାଖିରେ ଥିବାରୁ ସୁପର ସଣ୍ଡେରେ ହେବ ସୁପର ଫାଇଟ୍ । ତେବେ ଭାରତ ପାଇଁ ଚିନ୍ତାର କାରଣ ହୋଇଛି ଆହତ ସମସ୍ୟା । ଟିମ୍ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଆହତ ହେବା ପରେ ତାଙ୍କ କାହାକୁ ମିଳିବ ପ୍ଲେଇଂ ଇଲେଭେନରେ ସ୍ଥାନ, ତାକୁ ନେଇ ଲାଗି ରହିଛି ଚର୍ଚ୍ଚା ।2022
ନ୍ୟୁଜିଲାଣ୍ଡ ବିପକ୍ଷ ଗୁରୁତ୍ବପୂର୍ଣ୍ଣ ମ୍ୟାଚରୁ ବାଦ୍ ପଡିବେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା। ଏନେଇ ବିସିସିଆଇ ପକ୍ଷରୁ ସ୍ପଷ୍ଟ କରାଯିବା ପରେ ଚିନ୍ତାରେ ପଡିଛନ୍ତି କ୍ୟାପଟେନ୍ ରୋହିତ ଶର୍ମା । ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ସ୍ଥାନରେ ଦଳରେ କାହାକୁ ସ୍ଥାନ ଦେବେ ତାକୁ ନେଇ ଅଡୁଆରେ କ୍ୟାପଟେନ୍ ରୋହିତ । ଦଳରେ ଷ୍ଟାଣ୍ଡ ବାଏରେ ଅଛନ୍ତି ସ୍ପିନ୍ ଅଲରାଉଣ୍ଡର ରବିଚନ୍ଦ୍ରନ ଅଶ୍ବିନ ଏବଂ ମଧ୍ୟକ୍ରମ ହାର୍ଡ ହିଟର ସୂର୍ଯ୍ୟକୁମାର ଯାଦବ । ଦଳରେ ଏବେ ଜାଡେଜା ଓ କୁଲଦୀପ ଘାତକ ସ୍ପିନ୍ ବୋଲିଂ କରୁଛନ୍ତି । ତେଣୁ ହାର୍ଦ୍ଦିକଙ୍କ ବ୍ୟାଟିଂ ଅଭାବ ଦୂର କରିବାକୁ ସୂର୍ଯ୍ୟ କୁମାରଙ୍କୁ ଦଳରେ ସୁଯୋଗ ମିଳିପାରେ । ବୋଲିଂ ସହିତ ବ୍ୟାଟିଂ ଦିଗକୁ ବିଚାରକୁ ନେଲେ ଅଶ୍ବିନୀଙ୍କୁ ନ୍ୟୁଜିଲାଣ୍ଡ ବିପକ୍ଷରେ ଚୂଡାନ୍ତ ଦଳ ପାଇଁ ଚୟନ କରିପାରନ୍ତି ରୋହିତ । ହାର୍ଦ୍ଦିକଙ୍କ ଆଘାତ ଯେତିକି ସମସ୍ୟା ସୃଷ୍ଟି କରିଛି, ତା ଠାରୁ ତାଙ୍କର ବିକଳ୍ପ ଖେଳାଳି ଚୟନ ଓ ଦଳର ସନ୍ତୁଳନା ରକ୍ଷା କରିବା କ୍ୟାପଟେନ୍ ରୋହିତଙ୍କ ପାଇଁ ଚିନ୍ତାର ବିଷୟ ହେବ ନିଶ୍ଚୟ ।
